Моментално првиот тенисер во светот Рафаел Надал со пресврт успеа да слави победа против Данил Медведев и ги задржа шансите за пласман во полуфиналето на завршниот Мастерс турнир во Лондон. Во третиот сет Надал губеше со 5:1 и спасуваше меч топка на противникот, но во тај брејкот успеа да направи пресврт и стигна до победа. Надал изјави дека му е жал за Медведев бидејќи ова беше незгоден пораз за него.
„Имав голема среќа жал ми е за Данил, ова е тежок пораз. Тој играше многу подобро од мене во третиот сет се разбира, но јас имав многу среќа на ваков меч можеш да загубиш еднаш од илјада пати, и се заблагодарувам на публиката која ме поддржување денес“, изјави Надал.