Во крајно неизвесен дуел кошаркарите на МЗТ Скопје Аеродром дојдоа до победата против Нови Пазар 89:87. Целиот меч се играше изедначено, по четвртини заврши 24:19, 22:27, 24:24, 19:17. Победникот се одлучуваше во последниот напад кога играчот на МЗТ Скопје, Ерон Харис беше фаулиран за две слободни при резултат 87:87. Харис погоди од двата обиди за конечна победа на МЗТ Скопје. Со оваа победа МЗТ Скопје Аеродром е на првата позиција со 18 бодови пред Борац кој има 17 бодови и натпревар помалку. Најефикасни кај МЗТ Скопје беа Харис со 18 поени, Хиндс 14, а Маслинко постигна 13.