Фудбалскиот клуб Црвена Ѕвезда наскоро ќе добие своја телевизија која ќе се вика Ѕвезда ТВ. Оваа програма ќе се емитува на кабловска телевизија како и на интернет. Официјалниот почеток ќе биде на 5 ноември. Челниците и навивачите на „Ѕвезда“ со нетрпение чекаат да почне со емитување оваа телевизија.
„Наши Ѕвездаши, заедно сонувавме, заедно мечтаевме, заедно верувавме. некогаш само идеја, некогаш само проект, некогаш само сон… Конечно веќе не е! Дојде и тој ден. Вторник 5 ноември 2019 точно напладне!“, се наведува меѓу другото во соопштението на клубот.
Ѕвезда Тв треба да прикажува настани во живо, известувања, емисии, ретро емисии и сл.
„Програма од сите агли и сите позиции: по тепихот на стадионот, од легендарните трибини, по тревата на помошните терени, од музејот, околу стадионот и насекаде каде што е нашето фудбалско царство, таму каде најдобро се гледаме и слушаме!“ – наведуваат на својот сајт фк Црвена Ѕвезда
Ова значи многу за понатамошен развој на клубот бидејќи телевизијата е најмоќниот медиум за развивање на спортот.