По натпреварот помеѓу Еурофарм Пелистер и ППД Загреб (27:28) кој се одигра во салата „Боро Чурлевски“ во Битола, тренерот на гостите Веселин Вујовиќ изјави дека му недостасува Битола и битолската публика.
-„Нашето прво полувреме беше одлично, но Еурофарм успеа да реагира на вистински начин, и со поддршка на нивните одлични навивачи за малку не успеаа да стигнат до еден бод. Среќен сум што сум повторно овде и морам да кажам дека ми недостасува овој град и овие навивачи“ – изјави Веселин Вујовиќ.
Вујовиќ многу добро го познава македонскиот ракомет, тој беше тренер на рк Вардар 7 сезони но и во својата играчка кариера имаше доста тешки гостувања во Македонија.