Во крајно драматичен натпревар во салата „Јане Сандански“ кошаркарите на МЗТ Скопје Аеродром успеаа да дојдат до победата против Кожув 76:74, по четвртини 28:22, 19:26, 13:14, 16:12. Целиот натпревар се играше изедначено, и ниедна екипа не направи двоцифрена предност. Во последната четвртина Кожув го имаше најголемото водство од девет поени, но МЗТ Скопје ја анулира оваа предност и го донесе натпреварот во егал завршница. Победникот се одлучуваше во последните дваесет секунди, При водство на Кожув од 74:73 на дванаесет секунди до крајот Џабари Хиндс постигна погодок за два поени и водство на МЗТ Скопје 75:74. Вонаредниот напад кожув не успеа да реализира, Стаиќ на две секунди до крајот ја загуби топката и играчите на Кожув мораа да прават брз фаул. Фаулиран беше Маслинко за две слободни од кои реализира еднаш за конечни 76:74.