Ракометарките на Холандија го освоија нивниот прв златен медал на Светско Првенство кое се одржа во Јапонија, откако во финалето ја совладаа репрезентацијата на Шпанија 30:29. Холандија дојде до победата во крајно неизвесна завршница, каде успеа да реализира седмерец во последните мигови од натпреварот. На почетокот од натпреварот Шпанија направи предност од 4 голови која ја одржуваше во првата половина на првото полувреме. Во финишот на првиот дел, Холанѓанките направија пресврт 13:12, и до крајот на полувремето ја зголемија разликата на 16:13. Во второто полувреме Шпанија ниту еднаш не успеа да дојде во водство, Холандија во еден момент имаше и најголема предност од 5 голови, но во завршницата Шпанија се избори сериозно се закани. На две минути пред крајот Шпанија израмни на 29:29, следниот напад Холандија не го реализираше и им овозможи на Шпанките да го имаат последниот напад за победа. Откако Шпанија не реализираше Хернандес спречи контра напад на Холандија на 5 секунди до крајот при што доби црвен картон и судиите досудија седмерец за Холандија. Абинг беше прецизна и им го донесе првото злато на Холандија на Светските Првенства.