Екипата на МЗТ Скопје Аеродром славеше на гостински терен против Слобода Тузла 69:82 по четвртини 14:21, 14;28, 19:20, 22:13. Речиси се беше решено по завршувањето на првото полувреме кое МЗТ Скопје го доби со 21 разлика, во второто полувреме рутински ја одрѓуваше предноста. Највисоко водство МЗТ Скопје имаше на почетокот од последната четвртина 47:74, по што тренерот Ѓорѓи Кочов има даде шанса на помладите играчи, па до крајот Слобода успеа да ја намали разликата за конечни 69:82. Најефикасен кај МЗТ Скопје беше Милошевиќ со 19 поени, Ерон Харис постигна 18, а Хиндс и Крстевски забележаа по 13 поени. Кај домаќините најефикасен беше Грега кој постигна 18 поени. Ова е девета победа за МЗТ Скопје на 12 одиграни натпревари во АБА 2 Лигата со што се најде на второто место на тбелата со 21 поен зад Борац од Чачак кој има 23 поени.