На свечеиот настан кој се одржа во хотелот „Буши“ во Скопје беа доделени награди за најуспешните во атлетскиот спорт за 2019 година. На овој настан беа присутни повеќе сопртски работници, имаше претставници на Агенцијата за млади и спорт, Олимписки комитет, Факултет за физичка култура, спорт и здравје, истотака беа присутни повеќе тренери, атлетичари и љубители на атлетиката. Како најуспешни атлетичари во сениорска конкуренција беа прогласени Дарио Ивановски и Дрита Ислами кои имаа значителни настапи изминатата година, и се борат за обезбедување норма за Олимписките Игри во Токио 2020. Високи признанија беа доделени за особен придонес и остварени успеси. Адријана Поп Арсова доби признание за соборени 7 сениорски рекорди, освоен бронзен медал во поединечна конкуренција и средберн медал во екипна конкуренција на Балканско првенство во маратон. Јован Стојовски доби признание за остварен највисок пласман 6то место на Европско првенство до 23 години, а Весна Кираџиева доби признание за освоен сребрен медал во екипна конкуренција на Балканско првенство во маратон. Долгогодишниот атлетски работник Мирослав Бошковиќ доби признание за Високи вредности и значаен придонес во атлетскиот спорт.
СЕНИОРИ:
Дрита Ислами
Дарио Ивановски
МЛАДИНЦИ:
Анеса Хајдари
Наско Стаменов
МЛАДИ МЛАДИНЦИ:
Гала Урдаревска
Адриан Исмаили
ПИОНЕРИ:
Ана Божиновска
Илија Нацев
МЛАДИ ПИОНЕРИ:
Снежана Тиневска
Нури Салихи
Признание за особен придонес во Атлетскиот спорт за 2019 година:
Јован Стојоски
Адријана Поп Арсова
Весна Кираџиева
Најуспешен атлетски клуб за 2019 година:
Атлетски Клуб Студенти – Тетово
Признание за Значаен придонес и Високи вредности во Атлетскиот спорт:
Мирослав Бошковиќ