Фудбалскиот клуб Борец 1919 од Велес со пет нови играчи ќе ја продолжи борбата за опстанок во Првата Македонска Фудбалска Лига. Клубот денеска официјално ги претстави новите засилувања, станува збор за: Фернандо Да Силва, Дарио Десниќ, Никола Радовиќ, Александар Анастасов, Дарко Јоциќ и Никола Ристески. Од неодамна во првиот тим на Борец се приклучија и тројца играчи од младинскиот погон на клубот: Бобан Дуковски, Џемал Ибрахимовиќ и Давид Тодоров. Моментално Борец 1919 е на подготовки во соседна Грција каде треба да престојува десетина денови. Наредната полусезона Борец ќе ја стартува на 7 позиција на табелата со 20 бодови, зад него се Ренова со 19 и Работнички со 15 бодови.