Српскиот репрезентативец Филип Костиќ кој сега настапува за Ајнтрахт Франкфурт е на мета на повеќе европски клубови. Костиќ игра во одлична форма оваа сезона. Крилниот играч оваа сезона на 9 натпревари постигна 4 голови а имаше и 3 асистенции. Тој одигра важна улога во победата на Ајнтрахт против Баерн Минхен (5:1), оттука за него покажаа интерес повеќе клубови. Интер и Барселона понудија 40 милиони евра за да го донесе Костиќ во јануарскиот преоден рок, но Ајнтрахт засега ги одби тие понуди. Костиќ изјави дека му одговара играта во Ајнтрахт и не сака да си замине.
„Тоа е совршен систем за мене, сакам да играм во широка позиција блиску до линијата. Ми треба простор и сам можам да одлучам дали сакам да одам напред или да останам назад“ изјави Филип Костиќ за Билд.